aurat aur ladakee kee aatma ghost story in hindi
yah ek chauka dene vaalee ghatana hai. jo 1950 me ghatee huee thee. uttar pradesh ke raanee baajaar gaanv mein ek raamaprakaash tivaaree naam ka aadamee rahata tha.
usakee 5 saal kee ladakee thee. use kainsar kee beemaaree thee aur usakee kaee jagah se ilaaj karaane ke baad bhee vah jinda na bach Transle.
raat ke 1:00 baje usakee maut ho gaee. usee raat ko ek doosare gaanv mein mohinee naam kee ek aurat kee trak se takaraane kee vajah se maut ho gaee.
mrt ke parivaar vaale logon ne us aurat ka daah sanskaar kar diya. doosaree taraph jab raanee baajaar mein us mrt ladakee ko daphan karane ke lie jangal mein ja rahe the.
achaanak raaste mein usakee shareer mein kuchh halachal huee aur vah uth khadee ho gaee.
log yah dekhakar dar gae. lekin baad mein us ladakee ko jinda dekhakar usake parivaar vaale log bahut khush ho gae. lekin logon ko yah pata nahin tha.
ki us ladakee ke shareer ko kisee aur kee aatma ne jakad liya hai. us 5 saal kee ladakee ke andar mohinee kee aatma ghus chukee thee.
vah alag jagah par aakar bahut dukhee aur pareshaan ho gaee thee. usaka khaana khaane mein bhee man nahin lagata tha.
lekin usakee maan use apane haathon se khaana khila detee thee. ek din vah ladakee apanee maan ke saath usake maamaajee ke ghar ja rahee thee aur raaste mein achaanak vah jagah aaee jahaan mohinee kee trak se maut ho gaee thee.
us bachchee ne apanee maan ko ishaara karake bataaya ki yah raasta usake gaanv kee taraph jaata hai. usakee maan ne usakee baaton ko anasuna kar diya aur apane maamaajee ke ghar pahunch gaee.
usake maamaajee ke ghar ke paas mohinee ke gaanv kee ek aurat simaran kisee kaam se aaee huee thee. mohinee kee aatma ne usako pahachaan kar usako aavaaj dene lagee.
simaran ko ladakee ke munh se apana naam sunakar aashchary hua.
simaran ke poochhane par us ladakee ne usako apanee pooree ghatana bata dee aur bolee ki meree maut se pahale hee mere ghar vaalon ne mujhe jala diya aur is bachchee kee khaalee shareer ko dekhakar isamen rahane lagee.
jab simaran ne yah baat sunee to usane apane gaanv jaakar saare gaanv vaale logon ko yah baat bata dee aur usaka poora parivaar mohinee se milane aa gaya.
us ladakee ne sab ko pahachaan liya aur vah apane poore parivaar ke saath apane gaanv chalee gaee aur usane vaapas raanee baajaar aane ke lie mana kar diya.
lekin logon ke samajhaane par vah maan gaee. is tarah vah donon parivaaron ke saath rahane lagee. is kahaanee se pata chalata hai.
ki kabhee kisee kee adhooree ichchha pooree na huee ho to usakee aatma kisee aur ke shareer mein ja sakatee hai.
raajasthaan ka rahasyamay mandir
mitron aaj main aap sabhee logon ko raajasthaan kee ek rahasyamay jagah ke baare mein bataane ja raha hoon. jisase log aaj tak bekhabar hain.
ham mein se kaee logo ne isake baare mein suna hee hoga par is mandir ke baare mein alag-alag kahaaniyaan banaee jaatee hai. is mandir ke baare mein aisa kaha jaata hai ki shaam dhalane ke baad is mandir mein koee rukata nahin.
aur isake aas-paas ghoom bhee nahin sakata. kyonki jo bhee isake andar ya aas-paas shaam dhalane ke baad jaata hai. to vah insaan patthar mein badal jaata hai.
isamen kitana jhooth ya kitanee sachchaee hai. yah to aap logon ko vahaan jaakar hee pata chalega.
aap logon ko main is rahasyamay jagah ke itihaas ke baare mein bataane ja raha hoon. ki kiraadoo mandir raajasthaan ke baadamer jile ke haathama gaanv mein sthit hai.
jise 11veen shataabdee mein banaaya gaya tha. yah mandir itana sundar bana hai. ki is mandir ko raajasthaan ka khajuraaho kahate hain. lekin 900 saal puraana yah mandir kee taraph kaee logon ka dhyaan nahin gaya hai.
jisake kaaran yah mandir gumanaam andheron mein chhipa hua hai. yah mandir mein ek mandir shivajee ka hai. aur doosara mandir vishnujee ka hai.
is mandir kee deevaaron par kalaakrtiyaan banee huee hai. jo aapako itihaas kee yaad dila degee. is mandir ke itihaas ke baad is mandir ke rahasy ke baare mein bataate hain.
vahaan ke logon ke anusaar aaj se kareeb 900 saal pahale yah kiraadoo mein paramaar vansh ka raajy hua karata tha.
us samay mein ek din ek saadhu apane kuchh shishyon ke saath yahaan par rahane ko aae the. aur yahaan par kuchh din bitaane ke baad unhonne socha ki thoda aur ghoomane ka nishchay kiya. ek din vah shishyon ko bina batae raat ko kaheen par nikal pade.
unake jaane ke kuchh dinon baad saare shishy beemaar ho gae aur unhonne gaanv vaalon se madad maangee to gaanv vaale logon ne unakee madad nahin kee.
keval ek kumhaarin ne nisvaarth bhaav se unakee seva kee. jisase unaka svaasthy theek ho jae. saadhu ghoomane ke baad usee jagah par pahunche. to unhonne apane shishyon ko kamajor haalat mein dekhakar bahut gussa ho gae.
unhonne saare gaanv vaalon se kaha ki jis jagah par insaan-insaan kee madad nahin karata.
to unako jeene ka kya hak hai. aur tabhee unhonne poore gaanv ko patthar banane ka shraap de diya. shishyon kee seva karane vaalee kumhaarin ko isase achhoote rakha aur shaam dhalane se use yahaan se bina peechhe mude is gaanv se nikalane ko bola.
lekin us mahila ne galatee se peechhe dekh liya aur vah bhee patthar kee moorti ban gaee.
najadeek gaanv vaalon ke paas aaj bhee us kumhaaree kee moorti hai. isalie praacheen samay mein log hamesha saadhu mahaatmaon ko khush rakhate the.
is shraap ke baad koee bhee shaam dhalane ke baad us mandir mein nahee jaata.
Thank you......
